Friday, November 11, 2016

មេរៀនសិល្បៈនៃការរស់នៅ សម្រាប់សិស្សនិស្សិតកម្រិតមូលដ្នាន ឆ្នាំទី

សីលធម៌ សុជីវធម៌ គុណធម៌

Friday, September 9, 2016

អាជ្ញាធរស្រុកកោះធំ ឃាត់ទុកអត្តសញ្ញាណបណ្ណ ៤៩ច្បាប់ សង្ស័យមិនមែនខ្មែរ

ខណៈប្រមុខរដ្ឋាភិបាលកម្ពុជា ក្រសួងមហាផ្ទៃ បានជំរុញ និងពន្លឿនការធ្វើអត្តសញ្ញាណបណ្ណ សៀវភៅគ្រួសារជូនប្រជាពលរដ្ឋ ហើយសម្រុកចុះធ្វើ និងចែកទាំងយប់ទាំងថ្ងៃ ដើម្បី ឲ្យប្រជាពលរដ្ឋ យកទៅប្រើប្រាស់សម្រាប់ចុះឈ្មោះបោះឆ្នោត នៅស្រុកកោះធំ ខេត្តកណ្តាលឯនោះវិញ អាជ្ញាធរមូលដ្ឋាន បានសម្រេចដកហូតទុកជាបណ្តោះអាសន្ន អត្តសញ្ញាណបណ្ណសញ្ជាតិខ្មែរគំរូថ្មី ចំនួន ៤៩ច្បាប់ ព្រោះសង្ស័យឈ្មោះទាំងនោះមិនមាន សញ្ជាតិច្បាស់លាស់។

អធិការស្រុកកោះធំ លោក ឈឿន ប៊ុនឆន បានថ្លែងប្រាប់វិទ្យុបារំាងអន្តរជាតិ នៅថ្ងៃពុធនេះថា សមត្ថកិច្ចនគរបាលស្រុកកោះធំ បានដកហូតទុកជាបណ្តោះអាសន្ន អត្តសញ្ញាណបណ្ណសញ្ជាតិខ្មែរគំរូថ្មី ចំនួន ៤៩ច្បាប់ បន្ទាប់ពីអ្នកជំនាញបានសន្និដ្ឋានថា ឈ្មោះក្នុងអត្តសញ្ញាណបណ្ណមិនមែនជាជនជាតិខ្មែរពិតប្រាកដ។ លោកបានបន្ថែមថា សមត្ថកិច្ចនឹងជំរុញពន្លឿនការអង្កេតស្រាវជ្រាវអោយឆាប់ចប់ជាស្ថាពរ មុនពេលសម្រេចប្រគល់អត្តសញ្ញាណបណ្ណអោយទៅពលរដ្ឋយកទៅប្រើប្រាស់វិញ។ អធិការនៃអធិការដ្ឋាននគរបាលស្រុកកោះធំ នៅថ្ងៃទី ៧ កញ្ញានេះ បានធ្វើរបាយការណ៍សរុបមួយ ផ្ញើជូនស្នងការនគរបាលខេត្តកណ្តាល ដើម្បីសម្រេច។

លោក អេង ឆៃអ៊ាង មន្រ្តីជាន់ខ្ពស់គណបក្សសង្រ្គោះជាតិ បានសម្តែងការគាំទ្រចំពោះស្មារតីអនុវត្តច្បាប់អន្តោប្រវេសន៍ របស់នគរបាលស្រុកកោះធំ តែលោកស្នើអោយអាជ្ញាធរបន្តស្រាវជ្រាវរកមុខអ្នកចេញអត្តសញ្ញាណបណ្ណដោយខុសច្បាប់នោះបន្ថែមទៀត។ លោក អេង ឆៃអ៊ាង លើកឡើងថា អំឡុងពេលចុះឈ្មោះបោះឆ្នោតនេះ មានភាពមិនប្រក្រតីជាច្រើន រួមទាំងមានជនបរទេស អាចចុះឈ្មោះបោះឆ្នោតបាន ដោយសារមានអត្តសញ្ញាណបណ្ណ សញ្ជាតិខ្មែរផងដែរ។

លោក សន ជ័យ នាយកប្រតិបត្តិនៃអង្គការសម្ព័ន្ធគណនេយ្យភាពសង្គមកម្ពុជាថ្លែងថា ការចេញលិខិតអត្រានុកូលដ្ឋាន ជាដើមចមនៃភាពមិនប្រក្រតីក្នុងការធ្វើអត្តញ្ញាណបណ្ណសញ្ជាតិខ្មែរ ព្រោះមន្រ្តីអត្តសញ្ញាណកម្ម គ្រាន់តែផ្ទៀងផ្ទាត់ឯកសារ សំបុត្រកំណើត និងសៀវភៅស្នាក់នៅ ឬសៀវភៅគ្រួសារ ដើម្បីចុះឈ្មោះផ្តល់អត្តសញ្ញាណបណ្ណ ដោយមិនបានពិនិត្យសំនៀងភាសាខ្មែរឡើយ។ លោកបានបន្ថែមថា ករណីនេះ ចាំបាច់ត្រូវតែមានការសើបអង្កេតអោយបានម៉ត់ចត់តាមនីតិវិធី ដោយផ្តើមចេញពីការពិនិត្យជាប្រព័ន្ធទៅលើឃុំសង្កាត់ ដែលពលរដ្ឋទទួលបានលិខិតអត្រានុកូលដ្ឋាន ប្រវត្តិគ្រួសារ និងសំនៀងភាសាខ្មែរជាដើម។

គួរជម្រាបថា តាមផែនការរបស់ក្រសួងមហាផ្ទៃ ពលរដ្ឋខ្មែរ ដែលមានអាយុចាប់ពី ១៥ឆ្នាំឡើងទៅ អាចមកចុះឈ្មោះធ្វើអត្តសញ្ញាណបណ្ណសញ្ជាតិខ្មែរគម្រូថ្មីបាន មានចំនួនប្រមាណជាង ១០លាន៩សែននាក់ ខណៈពលរដ្ឋខ្មែរ អាយុចាប់ពី ១៨ឆ្នាំ មានប្រមាណ ៩លាន៦សែននាក់ តែការចេញអត្តសញ្ញាណបណ្ណមកទល់នឹងចុងខែសីហា ២០១៦ពេលនេះ ក្រសួងមហាផ្ទៃ បានបោះពុម្ពត្រឹមតែជាង ៨លាន៩សែនសន្លឹកប៉ុណ្ណោះ។ អត្តសញ្ញាណបណ្ណ ត្រូវបានពលរដ្ឋខ្មែរ យកទៅប្រើប្រាស់ដើម្បីបញ្ជាក់ពីសញ្ជាតិខ្មែរ ជាឯកសារគតិយុត្តិសម្រាប់ប្រើប្រាស់ក្នុងជីវភាពប្រចាំថ្ងៃ និងយកទៅបោះឆ្នោត

Monday, August 29, 2016

បទពិសោធន៍ផ្សំថ្នាំពុលពីរុក្ខជាតិកំចាត់ចៃ និងដង្កូវខៀវ

បទពិសោធន៍ផ្សំថ្នាំពុលពីរុក្ខជាតិកំចាត់ចៃ និងដង្កូវខៀវ

លោកពូ មិញ ឈិន អាយុ ៥៥ ឆ្នាំ រស់នៅភូមិពញាអង្គរ ឃុំវត្តអង្គខាងជើង ស្រុកបន្ទាយមាស ខេត្តកំពត ។ គាត់មានបទពិសោធន៍ផ្សំថ្នាំពុលផ្សំពីរុក្ខជាតិ ដែលអាចកំចាត់ចៃ និងដង្កូវខៀវបានជោគជ័យ ។ បទពិសោធន៍នេះគាត់ចេះពីលោក រស់ ម៉ៅ រស់នៅភូមិចមពល ឃុំពពេល ស្រុកត្រាំកក់ ខេត្តតាកែវ គួបផ្សំគំនិតច្នៃប្រឌិតរបស់គាត់ផ្ទាល់ ។

1. ធាតុផ្សំ

ធាតុសំខាន់ៗ ដែលគាត់ប្រើមាន:

- ផ្លែរាំងភ្នំ ១ ផ្លែ

- សំបកស្លែង ០,៥ គីឡូក្រាម

- សំបកស្តៅ ០,៥ គីឡូក្រាម

- ផ្លែស្លាក់ ០,៥ គីឡូក្រាម

- ឫសនិងដើមថ្នាំជក់ ០,៥ គីឡូក្រាម

- មើមស្លែងដងដឹង ០,៥ គីឡូក្រាម

- សំបកក្រសាំង ០,៥ គីឡូក្រាម

2. របៀបផ្សំ

គាត់បានយកផ្លែរាំងភ្នំ ពុះជាពីរ ហើយធាតុផ្សំទៀតគាត់យកមកកាត់ជាកំណាត់តូចៗ រួចដំបំបែក បន្ទាប់មកយកទៅចាក់ត្រាំក្នុងទឹក ៣០ លីត្រ ។ ពាងដែលត្រាំថ្នាំត្រូវគ្របឲ្យជិតរក្សាទុកនៅក្នុងម្លប់ ។ រយៈពេល ១៥ ថ្ងៃ ក្រោយមកអាចយកប្រើបាន ។

3. ការប្រើប្រាស់

គាត់បានយកទឹកថ្នាំទៅប្រើលើសណ្តែកកួរ ត្រសក់ ។ ចំពោះបរិមាណប្រើគាត់លាយទឹកថ្នាំ ១ លីត្រ ជាមួយទឹកធម្មតា ៤ លីត្រ និងសាប៊ូ ១ ស្លាបព្រាបាយ ។

៤. ចំណាប់អារម្មណ៍

ក្រោយពីប្រើថ្នាំខាងលើនេះមក គាត់មានចំណាប់អារម្មណ៍ថា ថ្នាំនេះមានប្រសិទ្ធិភាពណាស់ ក្នុងការកំចាត់សត្វបំផ្លាញបន្លែ ពិសេស គឺចៃ និងដង្កូវខៀវ ។ ចំពោះដំណាំវិញគាត់សង្កេតឃើញថា មានការលូតលាស់ល្អដើមស្លឹកធំៗ និងមានរស់ជាតិឆ្ងាញ់ ។ មួយវិញទៀត ការប្រើប្រាស់ថ្នាំផ្សំពីរុក្ខជាតិនេះ ជួយកាត់បន្ថយការចំណាយទៅលើការទិញថ្នាំពុលគីមី និងមិនប៉ះពាល់ដល់សុខភាពមនុស្ស និងសត្វ ហើយថែមទាំងផ្តល់ជីជាតិដល់ដីទៀតផង ៕

បទពិសោធន៍ធ្វើស្រូវប្រពលវប្បកម្មតាមគោលការណ៍ធម្មជាតិ (ប.វ.ស)

លោកអ៊ំ កុល ធី អាយុ ៦៤ ឆ្នាំ ជាកសិករសហការជាមួយអង្គការ សេដាក ចាប់តាំងពីឆ្នាំ២០០៥ មក ។ គាត់រស់នៅភូមិត្រពាំធំ ឃុំត្រពាំសង្កែ ស្រុកកំពត ខេត្តកំពត ។ គាត់បានអនុវត្តន៍ ប.វ.ស តាំងពីឆ្នាំ២០០៦ មកម្ល៉េះ ។ ក្នុងឆ្នាំ២០០៧ គាត់បានអនុវត្តលើផ្ទៃដី ២៦ អារ បានទទួលផល ១៧៦៨ គីឡូក្រាម ដែលខុសពីការធ្វើតាមទំលាប់បានទទួលតែ ៦៥០ គីឡូក្រាមប៉ុណ្ណោះ ។

ទាក់ទងទៅការកើនឡើងនៃទិន្នផលនេះ លោកពូបានអនុវត្តនូវចំណុចសំខាន់ៗមួយចំនួនដូចខាងក្រោម:

- រៀបចំថ្នាលសាបធ្វើដូចជា រងស្ពៃ ដែលមានទទឹង ៥ ម៉ែត្រ និងបណ្តោយ ២០ ម៉ែត្រ និងមានប្រើជីកំប៉ុស្តិ ព្រាចនៅលើរងផង

- សំអាតគ្រាប់ពូជ ដោយត្រាំទឹកបណ្តែតយកគ្រាប់ស្ពៀតចេញ បន្ទាប់មកត្រាំជាមួយទឹកស្លឹកស្តៅ និងបណ្តូលពេជ្រ ដើម្បីសម្លាប់មេរោគ ១ យប់ និង ផ្អាប់ ២ យប់ ទើបយកទៅសាប

- រៀបចំស្រែ ដោយភ្ជួរដី កៀរឲ្យស្មើល្អ និងដាក់ជីកំប៉ុស្តទ្រាប់បាត

- ដកសំណាបខ្ចីអាយុ ១៨-២០ ថ្ងៃ ទៅស្ទូង ដោយរើសយកតែសំណាបណាដែលថ្លោសល្អ

- ទាញខ្សែស្ទូងត្រង់ជួរដែលមានចន្លោះគុម្ព ៣ តឹក (ការស្ទូងត្រង់ជួរងាយស្រួលដល់ក្នុងការធ្វើស្មៅ និងឲ្យស្រូវទទួលបានពន្លឺគ្រប់គ្រាន់)

- ស្ទូងសំណាប ១-២ ដើម ក្នុងមួយគុម្ព

- ដកសំណាបភ្លាមស្ទូងភ្លាមដោយមិនផ្អាប់ទុកយូរទេ

- ក្រោយពីស្ទូង ហើយគាត់ឧស្សាហ៍ មើលថែទាំដូចជា ដកស្មៅ បំផុសដីដើម្បីឲ្យដីធូរមានខ្យល់ចេញចូលគាត់រក្សាទឹកទុកតិចៗ នៅពេលដែលស្រូវកំពុងលូតលាស់

- បាចជីកំប៉ុស្តបំប៉នបន្ថែមនៅពេលស្រូវកំពុងលូតលាស់ និងបែកគុម្ព ។

ក្រោយពីបានអនុវត្តន៍តាមចំណុចខាងលើនេះហើយ លោកពូមានចំណាប់អារម្មណ៍ថា ទិន្នផលស្រូវបានកើនឡើង ព្រោះគាត់បានកែលំអតាមគោលការណ៍ប្រពលវប្បកម្មស្រូវតាមគោលការណ៍ ធម្មជាតិ ប៉ុន្តែមិនបានគ្រប់ចំណុចទេ ។ ប៉ុន្តែទោះបីយ៉ាងណាក៏ទិន្នផលរបស់គាត់កើនឡើងទ្វេមួយជាពីរដែរ ។ លោកពូបន្ថែមទៀតថា គោលការណ៍ ប.វ.ស នេះមានលក្ខណៈសាមញ្ញ គាត់អាចធ្វើបានដោយមិនត្រូវការថវិកាច្រើនឡើយ ។ ប្រសិនបើកសិករគ្រប់គ្នាបានអនុវត្តន៍បច្ចេកទេសនេះ ពិតជាជួយលើកកំពស់ជីវភាពគ្រួសារបានមួយកំរិត ។ ទៅថ្ងៃមុខ គាត់នឹងខិតខំអនុវត្តបច្ចេកទេស នេះឲ្យបានគ្រប់ចំណុច ដើម្បីទទួលបានទិន្នផលខ្ពស់ជាងនេះ ៕

you can contact number phone Tell; 012 80 72 72

Sunday, August 28, 2016

វេយ្យាករណ៍ អង់គេ្លស English Grammar

តើវេយ្យាករណ៍ជាអ្វី?

វេយ្យាករណ៍គឺជាប្រព័ន្ធនៃភាសា។ វេយ្យាករណ៍ជួនកាលត្រូវបានគេបកស្រាយថាជាច្បាប់នៃភាសា, ប៉ុន្តែតាមពិតគ្មានភាសាណាមួយមានច្បាប់នោះទេ។ ប្រសិនបើយើងប្រើពាក្យថា «ច្បាប់», យើងសន្មត់មាននណារម្នាក់បង្កើតច្បាប់មុនហើយបន្ទាប់មកបង្កើតភាសានិយាយ, ដូចជាហ្គេមថ្មីមួយ។ ក៏ប៉ុន្តែភាសាមិនមែនចាប់ផ្តើមឡើងបែបនោះឡើយ។ ភាសាចាប់ផ្តើមឡើងដោយមនុស្សបង្កើតសម្លេងហើយសម្លេងនោះវិវត្តន៍ទៅជាពាក្យ, ឃ្លា និង ប្រយោគ។ គ្មានភាសានិយាយណាមួយស្លាប់មួយកនែ្លងឡើយ។ គ្រប់ភាសាទាំងអស់ផ្លាស់ប្តូរពីរយៈកាលមួយទៅរយៈកាលមួយ។ អ្វីដែលយើងហៅថា វេយ្យាករណ៍ គឺជាការឆ្លុះបពា្ចាំងធម្មតានៃភាសានៅពេលវេលាដែលជាក់លៈណាមួយ។

តើយើងចាំបាច់សិក្សាវេយ្យាករណ៍ដែរឬទេ? ចំលើយដែលខ្លីគឺ «ទេ»។ មនុស្សជាច្រើននៅក្នុងពិភពលោកនិយាយភាសាជាតិរបស់ពួកគេដោយមិនចាំបាច់សិក្សាវេយ្យាករណ៍របស់ភាសានោះឡើយ។ សូមតែកូនក្មេងចាប់ផ្តើមនិយាយមុនពេលពួកគេស្គាល់នូវពាក្យថា វេយ្យាករណ៍ ទៅទៀត។ ក៏ប៉ុន្តែប្រសិនបើអ្នកចង់សិក្សាអោយបានច្បាស់លាស់អំពីភាសាបរទេស, ចំលើយដែលវែងគឺ «វេយ្យាករណ៍ចាំបាច់» វេយ្យាករណ៍អាចជួយអោយអ្នករៀនភាសាបានឆាប់រហ័សនិងយ៉ាងសមស្រប។ វាជាការសំខាន់ណាស់ដែលអ្នកគិតថាវេយ្យាករណ៍គឺជាអ្វីមួយដែលអាចជួយអ្នកបាន, ដូចជាមិត្តភ័ក្រម្នាក់។ នៅពេលអ្នកយល់ដឹងអំពីវេយ្យាករណ៍ឬក៏ប្រព័ន្ធរបស់ភាសា អ្នកអាចយល់នូវអ្វីៗជាច្រើនទៀតដោយខ្លួនឯងដោយមិនចាំបាច់សួរគ្រូ ឬក៏ មើលសៀវភៅ។

ដូច្នេះសូមគិតថាវេយ្យាករណ៍គឺជាអ្វីមួយដែលល្អ អ្វីមួយវិជ្ជមាន និងជាអ្វីមួយដែលអាចជួយអ្នករកផ្លូវ ដូចជាបង្គោលសពា្ញា ឬក៏ជា ផែនទីមួយ។

បច្ចុប្បន្នកាលធម្មតា និង បច្ចុប្បន្នកាលកំពុងបន្ត Simple Present VS Present Continue

Posted on December 19, 2012 by Administrator

ការប្រើបច្ចុប្បន្នកាលធម្មតានិងបច្ចុប្បន្នកាលកំពុងបន្ត Simple Present and Present Continuous Usage Interactvie Book Simple Present and Present Continuous Interactive Book $5.99 USD

Posted in វេយ្យាករណ៍ អង់គេ្លស English Grammar | Leave a comment

ការប្រើអាយតនិបាត at, in និង on ជាមួយពេលវេលានិងកាលបរិច្ឆេទ

Posted on December 8, 2012 by Administrator

នៅក្នុងភាសាអង់េគ្លសអាយតនិបាត at, in និង on ត្រូវបានេគេប្រីដើម្បីប្រាប់អំពីទីតាំង ហើយក៏ត្រូវបានគេប្រើដើម្បីនិយាយអំពីពេលវេលានិងកាលបរិេច្ឆទផងដែរ។ ដូច្នេះវាមានការលំបាកខ្លះចំេពាះអ្នកដែលរៀនភាសាអង់គ្លេសជាភាសាទីពីរ។ នៅេពលនេះេយីងនឹងសិក្សាពីការប្រើរបស់អាយតនិបាត at, in និង on ដើម្បីនិយាយពីពេលវេលានិងកាលបរិច្ឆេទប៉ុេណ្ណាះ។ at សំរាប់និយាយពីេពលវេលាៈ at 6:00 am, at noon, at night, at the end of the year, and at that/this time,ល។ in សំរាប់និយាយពីពេលវេលានិងកាលបរិច្ឆេទៈ ប្រើ in ពីមុខខែ,ឆ្នាំនិងរដូវ in month/year (in March 1999, in … Continue reading →

Posted in Preposition, វេយ្យាករណ៍ អង់គេ្លស English Grammar, េពលវេលា និង កាលបរិច្ឆេត Time and Date | Leave a comment

Wanna, Gonna

Posted on November 12, 2012 by Administrator

ការនិយាយ Speaking ទល់នឹងVS ការសរសេរ Writing Wanna ត្រូវបានប្រើនៅក្នុងការនិយាយក្រៅផ្លូវការជំនួសឲ្យ want to។ ប៉ុន្តែនៅក្នុងការសរសេរជាផ្លូវការចាំបាច់ត្រូវប្រើ want to។ ឧទាហារណ៍ៈ I wanna stay here for two or three more days. = I want to stay here for two or three more days. Gonna ក៏ត្រូវបានប្រើនៅក្នុងការនិយាយក្រៅផ្លូវការផងដែរជំនួសឲ្យ going to។ ប៉ុន្តែនៅក្នុងការសរសេរជាផ្លូវការចាំបាច់ត្រូវប្រើ going … Continue reading →

Posted in ការនិយាយ ទល់នឹង ការសរសេរ Speaking Versus Writing | Leave a comment

Ain’t Versus To Be + Not and To Have + Not

Posted on October 17, 2012 by Administrator

ការនិយាយ Speaking ទល់នឹងVS ការសរសេរ Writing ការប្រើ៖ Ain’t ជាធម្មតាត្រូវបានគេគិតថាជាការមិនត្រឹមត្រូវដែលប្រើវាក្នុងការនិយាយ, ប៉ុន្តែវាត្រូវបានគេប្រើជាទូទៅក្នុងការនិយាយក្រៅផ្លូវការ។ ក្រៅផ្លូវការ Informal ផ្លូវការ Formal 1. ain’t = to be + not We, you, they ain’t shy = We, you, they are not/ aren’t shy I ain’t shy … Continue reading →

Posted in ការនិយាយ ទល់នឹង ការសរសេរ Speaking Versus Writing, វេយ្យាករណ៍ អង់គេ្លស English Grammar | Leave a comment

គុណនាមចង្អុលបង្ហាញ Demonstrative Adjectives

Posted on April 14, 2012 by Administrator

គុណនាមចង្អុលបង្ហាញ បង្ហាញថាតើនាមដែលពួកវាសំដៅទៅជាឯកវចនៈ ឬក៏ជា ពហុវចនៈ ហើយនិងថាតើនាមនោះស្ថិតនៅជិតឬក៏នៅឆ្ងាយពីអ្នកនិយាយ។ នាមដែលត្រូវបានគេចង្អុលទៅកាន់តែងតែស្របតាមគុណនាមដែលចង្អុលបង្ហាញ។ គុណនាមចង្អុលបង្ហាញដែលត្រូវបានគេប្រើជាទូទៅមានដូចតទៅ៖ This ចង្អុលបង្ហាញឯកវចនៈនាមដែលនៅជិត។ That ចង្អុលបង្ហាញឯកវចនៈនាមដែលនៅឆ្ងាយ។ These ចង្អុលបង្ហាញពហុវចនៈនាមដែលនៅជិត។ Those ចង្អុលបង្ហាញពហុវចនៈនាមដែលនៅឆ្ងាយ។ Demonstrative adjectives show whether the noun they refer to is singular or plural, and whether the noun is located near to or far from … Continue reading →

Posted in វេយ្យាករណ៍ អង់គេ្លស English Grammar | Leave a comment

សព្វនាមនិងគុណនាមជាកម្មសិទ្ធិ Possessive Pronouns and Adjectives

Posted on December 8, 2011 by Administrator

1. Forms of Possessive Pronouns and Adjectives Person Possessive Pronoun Possessive Adjective 1st singular mine my 2nd singular & plural yours your 3rd singular (female) hers her 3rd singular (male) his his 3rd singular (neutral) its its 1st plural ours … Continue reading →

Posted in វេយ្យាករណ៍ អង់គេ្លស English Grammar, សព្វនាម Pronouns | Leave a comment

អានបន្ត »

Monday, July 11, 2016

លោក កែម ឡី វិភាគសង្គម

លោក កែម ឡី វិភាគមិនដែលបានប្រាក់កម្រៃ ពេលខ្លះគ្មានទាំងទឹកទទួលទានទៀតផង!

Sunday 10/July/2016

អ្នកវិភាគនយោបាយ បក្សប្រឆាំង បក្សកាន់អំណាច មន្ត្រីការពារសិទ្ធិមនុស្ស សម្តែងការសោកស្តាយចំពោះការបាត់បង់លោកកែម ឡី

លោកបណ្ឌិត កែម ឡី មែនទែនទៅជាអ្នកស្រាវជ្រាវដើម្បីការអភិវឌ្ឍសង្គម ប៉ុន្តែជាទូទៅអ្នកសារព័ត៌មាននិយមឧទ្ទេសនាមលោកថាជាអ្នកវិភាគ នយោបាយនិងសង្គម។ សារព័ត៌មានខ្លះ ថែមទាំងហៅលោកថា ជាអ្នកវិភាគឯករាជ្យទៀតផង។ ប៉ុន្តែសម្រាប់លោក កែម ឡី ផ្ទាល់ លោកមិនដែលចាត់ទុកខ្លួនឯងថាជាអ្នកវិភាគឯករាជ្យទេ។ លោកធ្លាប់ប្រាប់វិទ្យុបារាំងអន្ដរជាតិថា ការវិភាគរបស់លោក ផ្អែកទាំងស្រុងលើការស្រាវជ្រាវ និងភស្តុតាងដែលរកឃើញ ហើយពេលខ្លះ លោកក៏ប្រើអារម្មណ៍វិភាគដែរ។

លោក កែម ឡី កើតនៅក្នុងគ្រួសារក្រីក្រមួយ នៅភូមិអង្គតាកុក ឃុំលាយបូ ស្រុកត្រាំកក់ ខេត្តតាកែវ។ បន្ទាប់ពីឪពុកទទួលមរណភាពនៅជំនាន់ប៉ុលពត លោក កែម ឡី និងបងប្អូនពីរនាក់ទៀត ត្រូវរស់នៅជាមួយម្ដាយមេម៉ាយ ដែលមានមុខរបរជាអ្នកលក់នំបញ្ចុក បាញ់ឆែវ និងគ្រឿងទេសបន្តិចបន្តួច។

ថ្វីត្បិតលោក កែម ឡី ត្រូវរស់នៅក្នុងជីវភាពគ្រួសារក្រីក្រ ប៉ុន្តែនេះមិនមែនជាឧបសគ្គនៅក្នុងជីវិតសិក្សារបស់លោកទេ។ លោកបានតស៊ូរៀនសូត្រ ដោយស្នាក់នៅជាមួយគេផង និងវត្តផង រហូតរៀនចប់មហាវិទ្យាល័យនៅកម្ពុជា ហើយទទួលបានអាហារូបករណ៍ទៅសិក្សាបន្តនៅប្រទេសថៃ និងម៉ាឡេស៊ី។ នៅសាកលវិទ្យាល័យជូឡាឡុងកនប្រទេសថៃ លោក កែម ឡី បញ្ចប់ការសិក្សាថ្នាក់អនុបណ្ឌិតផ្នែកស្រាវជ្រាវសុខភាពសាធារណៈ។ ចំណែកនៅសាកលវិទ្យាល័យម៉ាឡៃយ៉ា ប្រទេសម៉ាឡេស៊ី លោកបញ្ចប់ការសិក្សាថ្នាក់បណ្ឌិតផ្នែកវិទ្យាសាស្ត្រសង្គម។ លោក កែម ឡី បានរៀបអាពាហ៍ពិពាហ៍នៅឆ្នាំ២០០១ និងមានកូន៥នាក់៖ ប្រុស៣ ស្រី១ និងមួយទៀតជាទារកនៅក្នុងផ្ទៃ។

លោក កែម ឡី ធ្លាប់បម្រើការនៅក្រសួងសុខាភិបាល កាកបាទក្រហម ក្រុមហ៊ុនឯកជន និងជាទីប្រឹក្សានៅអង្គការក្រៅរដ្ឋាភិបាលអន្ដរជាតិធំៗ ដូចជា អង្គការ UNDP, USAID, AusAID ក៏ដូចជាអង្គការជាតិជាច្រើនទៀត។ តាំងពីឆ្នាំ២០០៨ រហូតមកទល់បច្ចុប្បន្ន លោកសម្រេចចិត្តងាកមកប្រកបរបរជាអ្នកសិក្សាស្រាវជ្រាវឯករាជ្យ វិញ។

ការសិក្សាស្រាវជ្រាវរបស់ លោក កែម ឡី ធ្វើឡើងស្ទើរតែគ្រប់វិស័យទាំងអស់ រាប់ចាប់ពីបញ្ហាដីធ្លី សិទ្ធិលំនៅដ្ឋាន សិទ្ធិមនុស្ស ធនធានរ៉ែ បរិស្ថាន អប់រំ សុខាភិបាល សេដ្ឋកិច្ច សង្គមកិច្ច វប្បធម៌ និងនយោបាយ។

ការស្រាវជ្រាវ និងការវិភាគនយោបាយរបស់លោក កែម ឡី នៅតាមប្រព័ន្ធផ្សព្វផ្សាយ ជារឿយៗតែងតែទទួលបានមកវិញនូវការច្រានចោល ឬចំអកឡកឡឺយ ពីសំណាក់អ្នកពាក់ព័ន្ធ ទាំងបក្សកាន់អំណាចនិងបក្សប្រឆាំង។ ប៉ុន្តែអ្នកស្រាវជ្រាវរូបនេះ ចាត់ទុកវាថាជារឿងធម្មតា។

លោក កែម ឡី បន្តថា លោកមិនដែលទទួលបានប្រាក់កម្រៃពីការវិភាគរបស់ខ្លួនទេ។ ពេលខ្លះ ស្ថាប័នព័ត៌មានខ្លះអញ្ជើញលោកទៅសម្ភាស គ្មានទាំងដាក់ទឹកឲ្យទទួលទានទៀតផង!

នៅក្នុងជំនួបជជែកក្រៅផ្លូវការជាមួយអ្នកកាសែតវិទ្យុបារាំង អ្នកស្រាវជ្រាវរូបនេះ ធ្លាប់លើកឡើងថា លោកអាចនឹងស្លាប់ដោយសារការវិភាគមិនសំចៃមាត់របស់លោក។ ប៉ុន្តែលោកមិនរារែកឡើយ។ លោកមានក្ដីសង្ឃឹមថា ការវិភាគរបស់លោក នឹងជំរុញឲ្យអ្នកចេះដឹងខ្មែរមានភាពក្លាហាន ហើយហ៊ាននិយាយពីការពិតដូចលោកដែរ។ កន្លងមក លោកបានបណ្ដុះបណ្ដាលអ្នកស្រាវជ្រាវនិងអ្នកវិភាគវ័យក្មេងជាច្រើន នាក់។ លោកបានរៀបចំជំនួបអ្នកវិភាគទាំងចាស់ទាំងថ្មីជារៀងរាល់សប្ដាហ៍ នៅហាងកាហ្វេ ដើម្បីបណ្ដុះបណ្ដាលសម្រួចពួកគេឲ្យមានជំនាញវិភាគទៅតាមវិស័យ ផ្សេងៗ។ សម្រាប់បុរសសំបុរស្រអែម មាឌធំរូបនេះ ទៅថ្ងៃមុខ លោកចង់ឃើញកម្ពុជា មានអ្នកវិភាគច្រើន និងមានជំនាញច្បាស់លាស់៕

Pages